Краткое житие
Канонизация Германа
Местонахождение мощей
О чем молятся Герману
Чудеса Германа Аляскинского
Акафист преподобному
Молитва
Канон преподобному
Тропари, кондаки, молитвы и величания
Как доехать к святому
Помочь, проекту "Провидѣніе"
Краткое житие
Имя преподобного Германа Аляскинского истории долгое время известно не было. Однако силами исследователей все же было установлено, что почитаемого в православии угодника Божьего звали Егор Иванович Попов. Родился он в 1751 году, в обеспеченной семье купцов. Невзирая на все возможности для богатой и легкой жизни, он уже в 16 лет ступил на путь иночества.
Около пяти лет Егор подвизался в Троице-Сергиевой пустыни, что недалеко от Петербурга. Стремясь к совершеннейшему отречению от всего мирского и воспитанию в себе истинного православного духа, преподобный спустя время отправился на Валаам. По одним данным, это произошло в 1778 году. По другим – в 1782 году. Монастырь, располагавшийся на островах Ладожского озера, был по природным причинам отделен от внешнего мира большую часть года. Жизнь в обители потому была особенно непростой, требующей крепкой веры, мужественности и жертвенности.
Достойно выдержав все испытания, преподобный Герман получил благословление игумена Назария на уединенное постоянное жительство в лесу в неустанных молитвах, строжайшем аскетизме и труде. Так святой прожил еще некоторое время, пока в 1793 году Господь не призвал его вместе с Первой духовной миссией отправиться на Аляску, чтобы построить в этом суровом крае православные храмы и обратить в праведную веру язычников.
Сам путь к Северной Америке и пребывание на ее холодных землях стало не только духовным, но и тяжелейшим физическим испытанием для каждого миссионера. Преподобный Герман не только с достоинством переносил все тяготы паломничества, но и стал, в результате, одним из главных миссий. Проникновенное знание духа и буквы Священного писания, неимоверная доброта, мудрость и готовность самоотверженно служить людям — за это святого глубоко почитали на Аляске и с радостью шли за ним в православие. А потому святого еще называют «всея Америки чудотворцем».
Умер праведник 13 декабря 1837 года, заранее предсказав день своей кончины.
Канонизация Германа Аляскинского
После смерти праведника его могила на Еловом острове (Аляска) быстро стала местом сбора православных верующих, стремящихся прикоснуться к святыни и вознести молитвы святому старцу.
В 1969 году Русская Православная Греко-Кафолическая Церковь решила официально причислить праведника к лику святых. 11 марта на Архиерейском Соборе была совершена торжественная канонизация Германа Аляскинского. В том же году решение о прославлении преподобного старца приняла Русская Православная Церковь Заграницей. И в июле 1970 года состоялось торжественное прославление святого Германа, а после и открытие его мощей. Зимой 1970 года Священный Синод РПЦ внес имя Германа Аляскинского в месяцеслов Русской Церкви.
Местонахождение мощей сегодня
Мощи святого покоятся в нарядной раке в храме Воскресения Христова в городе Кадьяк в Северной Америке.
Мощи Преподобного Германа Аляскинского
О чем молятся Герману Аляскинскому?
Жизнь святого была исполнена тягот и лишений, большого труда и неустанного служения Господу и людям. При этом отречение от мирских благ и готовность самоотверженно выполнять свой христианский долг были абсолютно добровольными — преподобный старец именно так видел свою роль в судьбе православия. Поэтому сегодня святого Германа просят об укреплении веры, о воспитании в себе мужественности и решительности, умения стойко переносить все тяготы жизни.
Преподобный угодник был высоко почитаем среди первых православных верующих Аляски за свой удивительный дар помогать советом или делом каждому, кто к нему обращается. Как по религиозным, так и по мирским вопросам. Перед иконой святого старца смело можно молиться о помощи для себя и близких в любых жизненных трудностях. А также об исцелении от хворей, даже самых тяжелых и, казалось бы, безнадежных.
Дарованные праведнику Господом от рождения мудрость, здравомыслие, ясность и быстрота мышления помогли ему быстро выучить Священное Писание и постичь многие другие премудрости. Зная об этом, святого просят еще и об успехах в учении, легкости освоения нового жизненного опыта.
Чудеса Германа Аляскинского
Обретение новой жизни
Александр Николаевич переживал крайне сложный этап в жизни. Ведя беспутный образ жизни, он страдал от алкогольной, табачной и наркотической зависимости. Врачи отмечали наличие у мужчины тяжелых психологических и психиатрических отклонений. Каждый день приносил лишь новые разочарования и страдания, все больше усугублял и без того бедственное положение Александра.
Мужчину все чаще посещала греховная мысль о самоубийстве — бороться с собой и сложившейся ситуацией он не мог. Помогли Александру чужие люди, рассказавшие о православии и святых угодниках его, с честью выдержавших посланные Господом испытания и одаренных за это множественными духовными благами.
Воцерквившись, Александр стал молиться о своем спасении Герману Аляскинскому, а также Агапиту Печерскому. Уже спустя три месяца мужчина чудесным образом избавился от пагубных пристрастий и дурных мыслей. У него очистился от негатива и смуты рассудок, прояснилось сознание.
С тех пор Александр ведет праведный образ жизни и чтит святых как своих покровителей и заступников перед Богом. Все лихое ушло на задний план, и с каждым днем воспоминания о былых страшных днях, а вместе с ними и побуждения к новым грехам появляются все реже.
Исцеление после инсульта
Прасковья пережила инсульт и находилась в тяжелом состоянии. Женщина была прикована к постели, не могла сама себя обслуживать. Родственники решили за помощью обратиться к церкви и приобщить к православной вере и больную, дабы та могла сама попросить у Господа и святых праведников для себя защиты, помощи и исцеления.
Так Прасковья впервые узнала о том, кто такой преподобный Герман Аляскинский, а также святитель Илларион Киевский и мученик Понтий. Женщина, надеяться которой было уже не на что, стала от всей души молиться святым. Как могла, своими словами, но от души. Медленно, но верно состояние ее улучшалось. У семьи появилась робкая надежда на полное восстановление больной после тяжелой хвори. И с каждым месяцем, видя новые положительные изменения, они лишь укреплялись в своей вере.
Сегодня Прасковья может ходить с палочкой, но все же самостоятельно, за что неустанно благодарит Господа и святых угодников его.
Спасение от гибели
Молодожены Лео и Кетлин вели активный образ жизни. В свадебное путешествие они решили отправиться на Аляску, чтобы исполнить давнюю мечту — покорить местную гору Денали.
Приехав на туристическую базу, они начали активную подготовку к восхождению. Задача была достаточно сложной, а потому крайне важно было не только выяснить все детали и идеально изучить маршрут, но и дождаться хорошей погоды. В один из дней, когда, как им показалось, настроение природы благоприятствовало осуществлению их задумки, влюбленные отправились в поход.
Путь был нелегкий, но пара уверенно шла к цели. Спустя пару дней после начала восхождения, вечером, им вдруг повстречался странный на вид пожилой мужчина в черном облачении, который шел им навстречу. Старец рассказал, что он, как местный житель, прекрасно разбирающийся в здешней природе и особенностях погодных явлений, настоятельно рекомендует молодым как можно быстрее вернуться обратно в лагерь. Мужчина предупредил, что вскоре гору накроет сильнейшая буря. Посели в Лео и Кетлин сомнения и страх, удивительный старец оставил их.
Крайне озадаченные случившимся, муж с женой решили не рисковать и отложить путешествие до более подходящего случая. Обсуждая случившееся по пути в лагерь, они вдруг вспомнили, что у седовласого незнакомца не было при себе ни рюкзака с провизией, ни теплой одежды. Это было, по меньшей мере, удивительно, ведь при таком длительном и тяжелом восхождении просто невозможно обойтись без снаряжения, провизии и одежды, надежно защищающей от холода.
Каково же было удивление пары, когда у самого подножия горы их все-таки настигла страшная буря. К счастью, путешественники были уже в безопасном месте и смогли укрыться от ненастья. Мысленно поблагодарив чудного незнакомца за спасение, они через некоторое время благополучно вернулись в лагерь.
Спустя несколько дней, сидя в местном кафе, Лео и Кетлин заметили на стене заведения фотографию того самого старика, которого они тогда встретили на тропе. От официанта ребята узнали, что это снимок иконы, на которой изображен высокочтимый православный святой Герман, некогда живший на Аляске.
Открытие поразило супругов. Они уже знали, что несколько альпинистов, начавших восхождение примерно в то же время, что и они, но не вернувшихся с горы до бури, были объявлены пропавшими без вести. Получается, что повстречавшийся им праведник явился, чтобы спасти от верной гибели. Более того, старец не обманул — он действительно был местный…
Акафист преподобному Герману Аляскинскому
Текст утвержден Священным Синодом
Русской Православной Церкви
14 июля 2018 года (журнал № 62)
Кондак 1
Избра́нный чудотво́рче и пресла́вный уго́дниче Христо́в, богоно́сне о́тче наш Ге́рмане, Аля́ски украше́ние и Це́ркве Правосла́вныя ра́дование, воспева́ем ти похвалы́ сия́. Ты же, я́ко Небе́сный наш покрови́тель и всемо́щный пред Бо́гом моли́твенник, не преста́й хода́тайствовати о нас, ча́дех твои́х, усе́рдно тебе́ вопию́щих: Ра́дуйся, преподо́бне о́тче наш Ге́рмане, пресла́вный чудотво́рче.
Икос 1
А́нгелов Творе́ц предызбра́ тя, о́тче Ге́рмане, пропове́дником бы́ти правосла́вныя ве́ры в зе́млех но́вых и посла́ тя, я́ко благове́стника, ко язы́чником, да возсия́ет им свет И́стины. Благода́рнии же лю́дие воспева́ют тебе́, я́ко Небе́сному покрови́телю, похвалы́ сия́:
Ра́дуйся, пусты́нею Саро́вскою изде́тска взраще́нный;
ра́дуйся, Валаа́мския оби́тели о́трасле пречестна́я.
Ра́дуйся, пусты́нное уедине́ние возлюби́вый;
ра́дуйся, Бо́жиею Ма́терию от сме́рти спасе́нный.
Ра́дуйся, апо́столов после́дователю;
ра́дуйся, свет и́стинныя ве́ры во Аме́рику принесы́й.
Ра́дуйся, Фаво́рским све́том озаре́нный;
ра́дуйся, тьму идолослуже́ния Христо́м просвети́вый.
Ра́дуйся, преподо́бне о́тче наш Ге́рмане, пресла́вный чудотво́рче.
Кондак 2
Ви́дя Госпо́дь пла́менную любо́вь твою́, е́юже от ю́ности возгоре́ся, преподо́бне, во оби́тель Саро́вскую Ему́ еди́ному послужи́ти приведе́ тя, последи́ же на о́стров Валаа́мский путь твой упра́ви, иде́же в со́нме и́ноков ты воспева́л еси́ неуста́нно: Аллилу́иа.
Икос 2
Ра́зум духо́вный тебе́ от ю́ности дарова́ся, свя́тче Бо́жий, да уразуме́еши красоту́ небе́сную и сла́дость ея. Сего́ ра́ди от прему́драго игу́мена Наза́рия, наста́вника преподо́бнаго Серафи́ма Саро́вскаго, поуча́лся еси́ прему́дрости Бо́жией и путе́м Госпо́дним, те́мже Свята́я Це́рковь восхваля́ет тя:
Ра́дуйся, в де́брех саро́вских ста́рцу пусты́ннику послужи́вый;
ра́дуйся, с преподо́бным Серафи́мом еди́наго наста́вника име́вый.
Ра́дуйся, я́ко пчела́, от вели́каго Фео́дора духо́вный некта́р в Санакса́ре собра́вый;
ра́дуйся, во пресла́вную оби́тель Валаа́мскую на по́двиги прише́дый.
Ра́дуйся, я́ко тезоимени́тому тебе́ Ге́рману, первонача́льнику Валаа́мскому, свя́тостию уподо́бился еси́;
ра́дуйся, я́ко по́двиги пустынножи́тельския подъя́л еси́.
Ра́дуйся, за кро́тость и ти́хость бра́тиею валаа́мскою почита́емый;
ра́дуйся, ны́не все́ю Це́рковию прославля́емый.
Ра́дуйся, преподо́бне о́тче наш Ге́рмане, пресла́вный чудотво́рче.
Кондак 3
Си́ла Вы́шняго повеле́ богому́дрому Петро́ва гра́да святи́телю Гаврии́лу посла́ти пропове́дники правосла́вныя ве́ры в зе́млю Аля́скинскую и тебе́, преподо́бне Ге́рмане, сей жре́бий апо́стольский прия́ти. Те́мже вси лю́дие, просвеще́ннии све́том Христо́вым труды́ твои́ми и о́бразом жития́ твоего́, воспе́ша Бо́гу: Аллилу́иа.
Икос 3
Име́я не то́кмо тща́ние о по́двизе и́ночестем, но и ре́вность апо́стольскую в пропове́дании, ты, преподо́бне Ге́рмане, лю́дем, во тьме язы́ческаго неве́дения седя́щим, Христа́ распя́таго и воскре́сшаго возвести́л еси́. Помина́юще у́бо и́ноческая бде́ния твоя́ и труды́ апо́стольския, с любо́вию восхваля́ем тя:
Ра́дуйся, безро́потное послуша́ние игу́мену яви́вый;
ра́дуйся, в путь да́льний про́поведи ра́ди ева́нгельския отше́дый.
Ра́дуйся, любве́ ко оте́честву не угаси́вый;
ра́дуйся, но́вое твое́ оте́чество пла́менне возлюби́вый.
Ра́дуйся, и́ноческаго жития́ во Аме́рице первонача́льниче;
ра́дуйся, правосла́вныя ве́ры ре́вностный пропове́дниче.
Ра́дуйся, о́бразе преподо́бных оби́тели Ла́дожския;
ра́дуйся, Се́верныя Фиваи́ды о́трасле, во Аля́ске процветы́й.
Ра́дуйся, преподо́бне о́тче наш Ге́рмане, пресла́вный чудотво́рче.
Кондак 4
Бу́рю злых напа́стей и скорбе́й претерпе́л еси́, преподо́бне, и по́двигом до́брым во стране́ но́вей подвиза́лся еси́, сего́ ра́ди и Христо́с тя просла́ви и да́ром прозре́ния и чуде́с обогати́ и дарова́ тебе́ Ца́рство Небе́сное, иде́же ты со А́нгелы воспева́еши Бо́гу: Аллилу́иа.
Икос 4
Слы́шаще о чудесе́х твои́х, лю́дем явле́нных, егда́ о́гненное запале́ние и наводне́ние губи́тельное ты останови́л еси́ моли́твою свое́ю, вси лю́дие умиля́хуся се́рдцем. Мо́лим тя и нам яви́ти си́лу твою́ и по́мощь, к тебе́ вопию́щим:
Ра́дуйся, богопропрове́дниче, ре́вностию твое́ю нас вдохновля́яй;
ра́дуйся, боголю́бче, сердца́ на́ша ра́достию исполня́яй.
Ра́дуйся, за всех уныва́ющих те́плый моли́твенниче;
ра́дуйся, душ смяте́нных пресла́достный умири́телю.
Ра́дуйся, я́ко смире́нием твои́м подае́ши стра́ждущим исцеле́ние;
ра́дуйся, я́ко кро́тостию твое́ю окрыля́еши ду́ши на́ша во е́же созерца́ти го́рняя.
Ра́дуйся, тве́рдый вразуми́телю всех отше́дших от Правосла́вия;
ра́дуйся, любо́вию твое́ю направля́яй нас на путь пра́вый.
Ра́дуйся, преподо́бне о́тче наш Ге́рмане, пресла́вный чудотво́рче.
Кондак 5
Я́ко звезда́ во стране́ полу́нощней возсия́л еси́, преподо́бне, на о́строве Ело́вем, Но́вый Валаа́м нарече́ннем, да озари́ши све́том любве́ твоея́ и богомо́щною моли́твою твое́ю всю зе́млю Америка́нскую, да со всех конце́в ея лю́дие правосла́внии воспою́т те́пле Бо́гу: Аллилу́иа.
Икос 5
Ви́дяще смире́ние твое́, о́тче наш Ге́рмане, вси дивля́хуся зело́, ка́ко ты, преподо́бному Анто́нию Пече́рскому, первонача́льнику мона́шества на Руси́, подража́я, восхоте́л еси́ просты́м и́ноком бы́ти и по вели́кому смире́нию твоему́ от служе́ния свяще́нническаго отре́клся еси́. Сего́ ра́ди взыва́ем ти такова́я:
Ра́дуйся, первонача́льниче мона́шества во Аме́рице;
ра́дуйся, смире́нием небе́снаго Оте́чества дости́гнувый.
Ра́дуйся, небе́сною сла́вою увенча́нный;
ра́дуйся, оби́тель на месте по́двигов твои́х предреки́й.
Ра́дуйся, мо́щи твоя́ предрече́нной оби́тели дарова́вый;
ра́дуйся, исто́чник чуде́с от них ми́ру яви́вый.
Ра́дуйся, защи́тниче те́плый бра́тии, тобо́ю собира́емыя;
ра́дуйся, и́ноком вождь ве́лий на бра́ни неви́димой.
Ра́дуйся, преподо́бне о́тче наш Ге́рмане, пресла́вный чудотво́рче.
Кондак 6
Пропове́дует пусты́ня се́верная по́двиги и чудеса́ твоя́, преподо́бне, и тя, я́ко но́вую ветвь виногра́дника Це́ркве Ру́сския, на земли́ Америка́нстей прозя́бшую, прославля́ет. Ты бо де́бри Аля́ски и леса́ ея́ моли́твою твое́ю облагоуха́л еси́ и, подви́жником дре́вним подража́я, в безмо́лвии нощне́м взыва́л еси́ к Бо́гу: Аллилу́иа.
Икос 6
Просвети́вый люде́й, во тьме язы́честей пребыва́ющих, и о́браз подви́жническаго жития́ сим показа́вый, моли́ся о всех нас, богоно́сне о́тче наш Ге́рмане, да и мы, благодаря́ще Го́спода за ми́лость Его́, нам явле́нную, непреста́нно воспева́ем ти похва́льныя сия́ глаго́лы:
Ра́дуйся, Пресвяты́я Тро́ицы служи́телю ве́рный;
ра́дуйся, пусты́ни Ело́выя подви́жниче усе́рдный.
Ра́дуйся, щит ве́ры живы́я и разу́мныя всем подава́яй;
ра́дуйся, тьму све́том ева́нгельским просвеща́яй.
Ра́дуйся, я́ко суету́ и уны́ние богомы́слием отгна́л еси́;
ра́дуйся, я́ко убо́га себе́ имену́я, смире́нию всех поуча́л еси́.
Ра́дуйся, сердца́ на́ша ра́достию твоею́ испо́лнивый;
ра́дуйся, наде́ждою благо́ю нас укрепи́вый
Ра́дуйся, преподо́бне о́тче наш Ге́рмане, пресла́вный чудотво́рче.
Кондак 7
Хотя́й возсия́ти све́ту богопозна́ния во стране́ язы́честей, благоволи́ Госпо́дь се́яти семена́ ве́ры правосла́вныя и повеле́ тебе́, преподо́бне, да всех научи́ши ве́ре и́стинней и защити́ши ю́. Ты же, я́ко па́стырь безстра́шный ма́лому стаду еванге́льски взыва́еши, да не убои́мся, я́ко обетова́но есть нам Небе́сное Ца́рствие, те́мже науче́ннии тобо́ю, ра́достне пое́м: Аллилу́иа.
Икос 7
Ди́вно в вы́шних моли́твенно пребыва́л еси́, преподо́бне, но и в ни́жних на земли́ су́щих не забыва́л еси́, наипа́че же о сирота́х ве́лие попече́ние яви́л еси́, устроя́я прию́т им и учи́лище, иде́же за́поведем Госпо́дним поуча́л еси́ их. Сих ра́ди трудо́в твои́х приими́ от нас похвалы́ сия́:
Ра́дуйся, ни́щих и сиро́т защи́тителю;
ра́дуйся, бла́гостный о них попечи́телю.
Ра́дуйся, я́ко стра́ху Бо́жию ча́да своя́ науча́л еси́;
ра́дуйся, я́ко живо́ю водо́ю Ева́нгелия всех напоя́л еси́.
Ра́дуйся, моли́твы непреста́нныя учи́телю;
ра́дуйся, хле́бом небе́сным и земны́м сиропита́телю.
Ра́дуйся, плоть покоря́ти ду́ху поуча́вый;
ра́дуйся, Бо́га всем се́рдцем люби́ти наставля́вый.
Ра́дуйся, преподо́бне о́тче наш Ге́рмане, пресла́вный чудотво́рче.
Кондак 8
Стра́нное чу́до яви́ человеколю́бец Госпо́дь, дарова́ бо тебе́, преподо́бне, дар прозре́ния и исцеле́ния я́ко исто́чник утеше́ния лю́дем Свои́м. Ты же свои́ми и словесы́ приве́л еси́ мно́гия к любви́ Бо́жией. Те́мже си́янием по́двигов твои́х просвеще́ннии, лю́дие взыва́ху ко Го́споду: Аллилу́иа.
Икос 8
Избра́н Бо́гом был еси́, о́тче преподо́бне, те́мже лю́дие новопросвеще́ннии све́том Христо́вы ве́ры притека́ху к тебе́ в боле́знех и печа́лех. Ты же, я́ко оте́ц чадолюби́вый, предста́тельствовал еси́ за всех в моли́твах, источа́я исцеле́ния и утеша́я всех, к тебе́ о по́мощи взыва́ющих, те́мже сла́вляху тя духо́вная ча́да твоя́:
Ра́дуйся, душ смяте́нных умири́телю пресла́дкий;
ра́дуйся, врачу́ наш безме́здный и благода́тный.
Ра́дуйся, не́мощей на́ших цели́телю милосе́рдный;
ра́дуйся, в беда́х и обстоя́ниих помо́щниче ско́рый.
Ра́дуйся, лише́нным кро́ва те́плое прибе́жище;
ра́дуйся, обурева́емым, я́ко «Скала́ Мона́шеская», ти́хое приста́нище.
Ра́дуйся, гряду́щая я́ко настоя́щая прови́девый;
ра́дуйся, прегреше́ний сокрове́нных обличи́телю прозорли́вый.
Ра́дуйся, преподо́бне о́тче наш Ге́рмане, пресла́вный чудотво́рче.
Кондак 9
Всего́ себе́ Го́сподеви пре́дал еси́, блаже́нне, те́мже со А́нгелы в пусты́ни сла́достно бесе́довал еси́. И ны́не с ли́ки а́нгельскими на Небесе́х непреста́нно взыва́еши Творцу́ всех и Созда́телю хвале́бное: Аллилу́иа.
Икос 9
Вети́и многовеща́ннии не возмо́гут исчи́слити чудеса́ твоя́, лю́дем явле́нная, я́ко и ду́си нечи́стии по словеси́ твоему́ от люде́й стра́ждущих исхожда́ху. Егда́ же бысть наводне́ние ве́лие, ты моли́твою свое́ю пред ико́ною Бо́жия Ма́тере останови́л еси́ мо́ре, глаго́ля: «Да́лее сея́ черты́ не пре́йдет вода́». Те́мже ти воспева́ем си́це:
Ра́дуйся, стихи́и водны́я усмири́телю ди́вный;
ра́дуйся, от запале́ния лесна́го изба́вителю пресла́вный.
Ра́дуйся, святи́теля Инноке́нтия, в мо́ри взыва́вшаго к тебе́, услы́шавый;
ра́дуйся, по мо́рю пла́вающим ко́рмчий наде́жный.
Ра́дуйся, я́ко гнев злых люде́й ти́хостию исправля́л еси́;
ра́дуйся, я́ко ди́вное благоуха́ние с небесе́ к тебе́ прибега́ющим ниспосыла́л еси́.
Ра́дуйся, ве́лия зна́мения при жи́зни твое́й показа́вый;
ра́дуйся, и по сме́рти твое́й мно́гая чудеса́ яви́вый.
Ра́дуйся, преподо́бне о́тче наш Ге́рмане, пресла́вный чудотво́рче.
Кондак 10
Спаси́тельнаго се́яния Госпо́дня, в вертогра́де земли́ Америка́нския насажде́ннаго, плод кра́сный ду́хом прови́дя, песнь благода́рственную Пресвяте́й Тро́ице посреде́ пусты́ни се́верныя возноси́л еси́, о́тче святы́й Ге́рмане, и со А́нгелы небе́сными взыва́л еси́: Аллилу́иа.
Икос 10
Стена́ еси́ всем, прибега́ющим к тебе́, о́тче, я́ко в житии́ твое́м пресла́вная показа́л еси́, и при кончи́не твое́й ди́вное чу́до яви́л. Лю́дие же, ви́дяще в час кончи́ны твоея́ о́гненный столп до небесе́ и нетле́ние телесе́ твоего́, возопи́ша тебе́ такова́я:
Ра́дуйся, пра́ведною кончи́ною в свя́тости твое́й нас уве́ривый;
ра́дуйся, я́ко восхожде́ние твое́ на небеса́ столпо́м о́гненным зна́менася.
Ра́дуйся, я́ко и гроб твой неду́жным исцеле́ния источа́ше;
ра́дуйся, мо́щи твоя́ благоуха́нныя в насле́дие нам оста́вивый;
Ра́дуйся, я́ко у ра́ки твоея́ хроми́и воста́ша и глас твой из гро́ба слы́шаша.
ра́дуйся, я́ко исто́чник воды́ святы́я и целе́бныя нам дарова́л еси́.
Ра́дуйся, я́ко ста́рцу Гера́симу яви́лся еси́, на Ело́вый о́стров того́ призыва́яй;
ра́дуйся, та́инственно, я́ко живы́й, на о́строве сем пребыва́яй.
Ра́дуйся, преподо́бне о́тче наш Ге́рмане, пресла́вный чудотво́рче.
Кондак 11
Пе́ние хвале́бное тебе́ прино́сим, о́тче преподо́бне, о пра́веднем жити́и твое́м. Восхваля́ем и честну́ю кончи́ну твою́, я́ко предузна́л еси́ час преставле́ния своего́, учени́к же твой Гера́сим обоня́л есть благоуха́ние ди́вное в час той. Пресла́вно бысть и погребе́ние твое́, егда́ испо́лнися предрече́нное тобо́ю. Мы же воспева́ем чудоде́ющему Бо́гу: Аллилу́иа.
Икос 11
Светопода́тельный свети́льник был еси́ всему́ и́ноческому чи́ну да́льния Аме́рики, преподо́бне о́тче наш Ге́рмане, науча́я по́двигу, защища́я от напа́стей, хода́тайствуя о них и глаго́ля: «Не в морски́х то́кмо волна́х обурева́емся, но среди́ преле́стнаго и многомяте́жнаго ми́ра стра́ждем и скита́емся, оба́че к небе́сному на́шему Оте́честву гряде́м». Сего́ ра́ди вопие́м ти:
Ра́дуйся, ве́рный сподви́жниче Иоаса́фа, пе́рваго епи́скопа Ру́сския Аме́рики;
ра́дуйся, свиде́телю ре́вности Иувена́лиевы да́же до сме́рти.
Ра́дуйся, алеу́та Петра́ пронареки́й новому́ченика;
ра́дуйся, предви́девый святи́тельство Инноке́нтия в земли́ Алеу́тстей.
Ра́дуйся, ученику́ своему́ Се́ргию о́браз и́ноческаго жития́ показа́вый;
ра́дуйся, и́нока Гера́сима на Но́вый Валаа́м чуде́сно призва́вый.
Ра́дуйся, на Руси́, безбо́жием плене́нней, Адриа́на пресви́тера от темни́цы огради́вый;
ра́дуйся, святи́теля Иоа́нна тебе́ просла́вити подви́гнувый.
Ра́дуйся, преподо́бне о́тче наш Ге́рмане, пресла́вный чудотво́рче.
Кондак 12
Благода́ти испо́лнена ве́дуще тя, преподо́бне отче, про́сим: моли́ся те́пле ко Го́споду, да огради́т Це́рковь Свою́ Святу́ю от ду́ха ми́ра сего́, вою́ющаго на сыно́в Ея́ неве́рием и отвраща́ющаго от богодарова́нныя жизни, да́бы восходи́ти нам от земли́ на не́бо и воспева́ти Бо́гу: Аллилу́иа.
Икос 12
Пою́ще твое́ прославле́ние, преподо́бне, ублажа́ем тя, я́ко многомо́щна моли́твенника и предста́теля на́шего. Ты же, стяжа́вый Ду́ха Свята́го и Тем просвети́вый лю́ди земли́ Америка́нския, услы́ши нас, вопию́щих к тебе́ такова́я:
Ра́дуйся, моли́тву чи́стую и теплоту́ серде́чную стяжа́вый;
ра́дуйся, сле́з твои́х тече́ньми пусты́ни беспло́дное возде́лавый.
ра́дуйся, я́ко се́рдце твое́ бысть благода́ти Бо́жия испо́лнено.
ра́дуйся, све́том сокрове́нным осия́нный.
Ра́дуйся, умо́м очище́нным та́йны Боже́ственныя созерца́вый;
ра́дуйся, тишины́ и ми́ра по́мыслов дости́гнувый.
Ра́дуйся, сердца́ Ду́хом Святы́м просвеща́яй;
ра́дуйся, соверше́нство обреты́й и нас к сему призыва́яй.
Ра́дуйся, преподо́бне о́тче наш Ге́рмане, пресла́вный чудотво́рче.
Кондак 13
О, пресла́вный уго́дниче Бо́жий, преподо́бне и богоно́сне о́тче наш Ге́рмане, приими́ ма́лое сие́ моле́ние на́ше, в похвалу́ тебе́ возноси́мое, и предстоя́ ны́не престо́лу Го́спода Вседержи́теля, непреста́нно моли́ся о нас, ча́дех твои́х да, пребыва́юще в любви́ и единомы́слии, навы́кнем всегда́ твори́ти во́лю Бо́жию по слову твоему: «От сего́ дне, от сего́ часа́ да бу́дем люби́ти Бо́га превы́ше всего́ и твори́ти святу́ю во́лю Его́», и ку́пно с тобо́ю сподо́бимся воспева́ти хвале́бную песнь: Аллилу́иа.
[Се́й конда́к глаго́лется три́жды.]
[Далее повторяем 1‑е икос и кондак:]
Икос 1
А́нгелов Творе́ц предызбра́ тя, о́тче Ге́рмане, пропове́дником бы́ти правосла́вныя ве́ры в зе́млех но́вых и посла́ тя, я́ко благове́стника, ко язы́чником, да возсия́ет им свет И́стины. Благода́рнии же лю́дие воспева́ют тебе́, я́ко Небе́сному покрови́телю, похвалы́ сия́:
Ра́дуйся, пусты́нею Саро́вскою изде́тска взраще́нный;
ра́дуйся, Валаа́мския оби́тели о́трасле пречестна́я.
Ра́дуйся, пусты́нное уедине́ние возлюби́вый;
ра́дуйся, Бо́жиею Ма́терию от сме́рти спасе́нный.
Ра́дуйся, апо́столов после́дователю;
ра́дуйся, свет и́стинныя ве́ры во Аме́рику принесы́й.
Ра́дуйся, Фаво́рским све́том озаре́нный;
ра́дуйся, тьму идолослуже́ния Христо́м просвети́вый.
Ра́дуйся, преподо́бне о́тче наш Ге́рмане, пресла́вный чудотво́рче.
Кондак 1
Избра́нный чудотво́рче и пресла́вный уго́дниче Христо́в, богоно́сне о́тче наш Ге́рмане, Аля́ски украше́ние и Це́ркве Правосла́вныя ра́дование, воспева́ем ти похвалы́ сия́. Ты же, я́ко Небе́сный наш покрови́тель и всемо́щный пред Бо́гом моли́твенник, не преста́й хода́тайствовати о нас, ча́дех твои́х, усе́рдно тебе́ вопию́щих: Ра́дуйся, преподо́бне о́тче наш Ге́рмане, пресла́вный чудотво́рче.
Молитва
О, преди́вный уго́дниче Бо́жий, преподо́бне о́тче наш Ге́рмане, ты по́двигом до́брым подвиза́лся еси́, хлад и ины́я тяготы́ в земли́ Алеу́тстей претерпе́л еси́.
Ны́не же испо́лнися сло́во Госпо́дне на тебе́, в ма́лем ве́рным Ему́ бы́вшем, те́мже и поста́ви тя Госпо́дь я́ко Небе́снаго покрови́теля Це́ркве Америка́нския. Мы же вси взыва́ем ти те́плою моли́твою: моли́ся за Це́рковь на́шу Святу́ю, да огради́т Ю́ Госпо́дь от темных сил вра́жиих, нас да сохрани́т в чистоте́ и благоче́стии, да утверди́т в ве́ре кре́пкой и несумне́нной. И испроси́ всем нам ду́ха ми́ра и любве́, ду́ха кро́тости и смире́ния, горды́ни отгна́ние, от самопревозноше́ния огражде́ние, боля́щим по́мощь и исцеле́ние, скорбя́щим утеше́ние, а́лчущим пра́вды духо́вныя пи́щу Небе́сную. Да, улучи́вше жела́емая, обря́щем пра́ведное воздая́ние в день Стра́шнаго Суда́ и со все́ми святы́ми воспое́м и просла́вим Живонача́льную Тро́ицу, Отца́ Непости́жимаго, И́стиннаго и Единоро́днаго Сы́на и Свята́го Уте́шителя Ду́ха, во ве́ки. Ами́нь.
Канон преподобному Герману Аляскинскому, чудотворцу
Минея, 13 Декабря, Кано́н преподо́бнаго
Глас 4
Песнь 1
Ирмос: Мо́ря чермну́ю пучи́ну/ невла́жными стопа́ми/ дре́вний пешеше́ствовав Изра́иль,/ крестообра́зныма Моисе́овыма рука́ма/ Амали́кову си́лу в пусты́ни победи́л есть.
Припев: Преподо́бне о́тче на́ш Ге́рмане, моли́ Бо́га о на́с.
Госпо́дь тя избра́, я́коже Моисе́я иногда́, в вождя́ ве́ры алеу́том,/ я́ко да, изве́д я из тьмы фараони́тския,/ введе́ши во свет спаси́тельный вопию́щих:/ Го́сподеви пои́м, сла́вно бо просла́вися.
Припев: Преподо́бне о́тче на́ш Ге́рмане, моли́ Бо́га о на́с.
Еги́пет идолослуже́ния воспла́кася го́рце лише́нием наро́да избра́ннаго,/ и́же тобо́ю проидо́ша скво́зе мо́ре Креще́ния/ в зе́млю обетова́ния Христо́ва, вопию́ще:/ Го́сподеви пои́м, сла́вно бо просла́вися.
Сла́ва Отцу́ и Сы́ну и Свято́му Ду́ху.
Ра́довахуся А́нгели о спасе́нии чад твои́х духо́вных, Ге́рмане преподо́бне,/ я́коже Госпо́дь рече́,/ и́же и прия́т я в лоно Це́ркве Правосла́вныя, воспева́ющих:/ Го́сподеви пои́м, сла́вно бо просла́вися.
И ны́не и при́сно и во ве́ки веко́в. Ами́нь.
Богородичен: Ма́ти Бо́жия Благослове́нная,/ сохраня́й ны, неопятне́нных в бе́лой оде́жди Креще́ния и покая́ния, воспева́ющих:/ Го́сподеви пои́м, сла́вно бо просла́вися.
Песнь 3
Ирмос: Весели́тся о Тебе́ Це́рковь Твоя́, Христе́, зову́щи:/ Ты моя́ кре́пость, Го́споди,/ и прибе́жище, и утвержде́ние.
Припев: Преподо́бне о́тче на́ш Ге́рмане, моли́ Бо́га о на́с.
Алеу́тов просвети́в, спасл еси́ от неприя́зни врага́,/ ни бога́тством, ни си́лою приобрета́я их,/ но прему́дростию ду́ха, и по́двигом преподо́бия, и про́поведию благоче́стия,/ я́ко несть свят, я́коже Бог наш,/ и несть пра́веден, па́че Го́спода.
Припев: Преподо́бне о́тче на́ш Ге́рмане, моли́ Бо́га о на́с.
Не му́дростию хвали́лся еси́,/ но му́дростию всех учил еси́ благоче́стию,/ люби́ти Христа́, и ве́ровати в него́, и греха́ боя́тися, глаго́ля:/ несть свят, я́коже Бог наш,/ и несть пра́веден, па́че Го́спода.
Сла́ва Отцу́ и Сы́ну и Свято́му Ду́ху.
А́ще и в труде́х и в страда́ниих по́двиг твой соверши́л еси́,/ но ра́дости испо́лнен был еси́,/ на сие́ бо еди́но то́кмо зря, я́ко Бо́жие де́ло твори́ши,/ и я́ко несть свят, я́коже Бог наш,/ и несть пра́веден, па́че Го́спода.
И ны́не и при́сно и во ве́ки веко́в. Ами́нь.
Богородичен: Роди́вши без се́мене му́жняго от Тро́ицы Еди́наго, Богоро́дице Пречи́стая,/ дерзнове́ние и́маши бога́тно помога́ти всем в по́двизе и страда́нии пребыва́ющим и испове́дающим:/ несть свят, я́коже Бог наш,/ и несть пра́веден, па́че Го́спода.
Седален, глас 4
Вознесе́н быв Христо́м в зва́ние апо́стола/ и испо́лнив де́лом зва́ние сие́,/ ра́дость имел еси́ со дерзнове́нием рещи́ Го́споду:/ се аз и де́ти, я́же ми дал еси́ жребий мой!/ И, прие́м тя во оби́тели апо́столов,/ венце́м тя украси́ ми́лости Своея́,/ и тобо́ю да́рует благода́ть всем, творя́щим любо́вию честну́ю па́мять твою́.
Сла́ва Отцу́ и Сы́ну и Свято́му Ду́ху, и ны́не и при́сно и во ве́ки веко́в. Ами́нь.
Богородичен: Вознесе́ну па́че всех чино́в а́нгельских, ве́мы Тя Хода́таицу пред Бо́гом о нас, Богоро́дице./ Те́мже, припа́дающе пред о́бразом Твои́м честны́м, мо́лим Тя:/ не отста́ви от нас ми́лости Твоея́,/ но всегда́ покрыва́й от вся́каго нахожде́ния вра́жия/ и путеводи́ ны ко приста́нищу небу́рному жи́зни благочести́выя и спасе́ния душа́м.
Песнь 4
Ирмос: Христо́с моя́ си́ла,/ Бог и Госпо́дь,/ честна́я Це́рковь/ боголе́пно пое́т, взыва́ющи,/ от смы́сла чи́ста о Го́споде пра́зднующи.
Припев: Преподо́бне о́тче на́ш Ге́рмане, моли́ Бо́га о на́с.
О́вцы твоя́ из родо́в во́лчиих воспита́в,/ ста́ду Христо́ву сопричи́слил еси́ и, до́бро́му Па́стырю Христу́ я вручи́в,/ ми́рною душе́ю взыва́л еси́:/ сла́ва си́ле Твое́й, Го́споди.
Припев: Преподо́бне о́тче на́ш Ге́рмане, моли́ Бо́га о на́с.
Спа́сову доброде́тель, покры́вшую Небеса́, пропове́дал еси́ во вся дни живота́ твоего́/ и хвалы́ его́ испо́лнил еси́ всю зе́млю Алеу́тскую,/ Помо́щнику Бо́гу взыва́я:/ сла́ва си́ле Твое́й, Го́споди.
Сла́ва Отцу́ и Сы́ну и Свято́му Ду́ху.
Си́лою Бо́га твоего́ вся сотвори́в ди́вная и ужа́сная в животе́ твое́м, не возне́слся еси́ мы́слию,/ па́че же смиря́яся, взыва́л еси́ вы́ну:/ сла́ва си́ле Твое́й, Го́споди.
И ны́не и при́сно и во ве́ки веко́в. Ами́нь.
Богородичен: Иму́ще Тя, Ма́ти Бо́га на́шего,/ Хода́таицу за нас пред Судо́м Сы́на Твоего́ Боже́ственнаго,/ любве́ и наде́жды испо́лнены есмы́, взыва́ша:/ сла́ва си́ле Твоей, Го́споди.
Песнь 5
Ирмос: Бо́жиим све́том Твои́м, Бла́же,/ у́тренюющих Ти ду́ши любо́вию озари́, молю́ся,/ Тя ве́дети, Сло́ве Бо́жий,/ и́стиннаго Бо́га,/ от мра́ка грехо́внаго взыва́юща.
Припев: Преподо́бне о́тче на́ш Ге́рмане, моли́ Бо́га о на́с.
И́менем Госпо́дним моля́ся непреста́нно,/ нищету́ в бога́тство вмени́л еси́/ и, ду́хом богате́я, я́коже Па́вел, глаго́лал еси́:/ ничто́же име́я, вся содержу́ души́ челове́ческия в Го́споде.
Припев: Преподо́бне о́тче на́ш Ге́рмане, моли́ Бо́га о на́с.
И́же тя в алеу́ты посла́,/ Той тя и утеша́ше на всяк день поспе́шеством Свои́м,/ до́ндеже всех приобре́л еси́ Христу́ и ду́шу твою́ спасл еси́ в Го́споде.
Сла́ва Отцу́ и Сы́ну и Свято́му Ду́ху.
А́ще и еди́н изше́л еси́ на врага́ лука́ваго, я́коже Дави́д на Голиа́фа,/ но си́лою Креста́ низложи́л еси́ его́ паде́нием вели́ким/ и люде́й изба́вил еси́ в Го́споде.
И ны́не и при́сно и во ве́ки веко́в. Ами́нь.
Богородичен: Мо́жеши спа́сати от обстоя́ний вра́жиих, Богоро́дице, и́хже хо́щеши,/ дана́ бо Ти есть благода́ть от Сы́на Твоего́,/ в ни́хже и нас помяни́, Чи́стая.
Песнь 6
Ирмос: Жите́йское мо́ре,/ воздви́гаемое зря напа́стей бу́рею,/ к ти́хому приста́нищу Твоему́ прите́к, вопию́ Ти:/ возведи́ от тли живо́т мой, Многоми́лостиве.
Припев: Преподо́бне о́тче на́ш Ге́рмане, моли́ Бо́га о на́с.
Еже люби́ти Бо́га непщева́л еси́ пе́рвое коему́ждо от христиа́н,/ и други́м пропове́дал еси́,/ и сам к сему́ все́ми си́лами подвиза́лся еси́.
Припев: Преподо́бне о́тче на́ш Ге́рмане, моли́ Бо́га о на́с.
Руко́ю кре́пкою нача́в де́ло апо́стольства твоего́,/ до конца́ неотсту́пно соверши́л еси́ е,/ до́ндеже всех ко Христу́ приве́л еси́ и венца́ от Христа́ сподо́бился еси́.
Сла́ва Отцу́ и Сы́ну и Свято́му Ду́ху.
И́стину Христо́ву глубино́ю души́ восприи́м,/ раб был еси́ неключи́м Го́спода твоего́,/ вся бо повеле́нная испо́лнив, ме́ньша всех себе́ смире́нием непщева́л еси́.
И ны́не и при́сно и во ве́ки веко́в. Ами́нь.
Богородичен: Ка́ко не диви́мся Бо́гомужному рождеству́ Твоему́, Пречи́стая?/ я́ко бо Ма́ти безму́жно низвела́ еси́ на зе́млю Спа́са на́шего Иису́са Христа́,/ в Не́мже спаса́емся и жи́знь насле́дствуем.
Кондак, глас 8
Взбра́нному Воево́де сво́инствовався,/ в брань вступи́л еси́ на ду́ха зло́бы в по́ле преподо́бия и апо́стольства./ И, пожа́в побе́ды обою́дныя,/ воздвиза́еши нас вопи́ти тебе́:/ ра́дуйся, свя́те Ге́рмане, апо́столе преподо́бный.
Икос
Несть на́ша брань проти́ву кро́ви и пло́ти,/ но к духово́м зло́бы поднебе́сным, я́коже рече́ апо́стол./ Сего́ ра́ди обле́к на ся всеору́жие Бо́жие в Валаа́ме/ и, обу́вся до́бре в благове́ствование Правосла́вия,/ отше́л еси́ в Аме́рику, я́ко всеору́жник Бо́жий победи́тельный./ И по́двигом до́брым подвиза́вся, ве́ру Правосла́вную насади́в/ и тече́ние земна́го пути́ сконча́в, вене́ц сла́вы восприя́л еси́ от Бо́га по достоя́нию/ и нас воздвиза́еши вопи́ти тебе́:/ ра́дуйся, свя́те Ге́рмане, апо́столе преподо́бный.
Песнь 7
Ирмос: Росода́тельну у́бо пещь/ содела́ А́нгел/ преподо́бным отроко́м,/ халде́и же опаля́ющее/ веле́ние Бо́жие мучи́теля увеща́ вопи́ти:/ благослове́н еси́, Бо́же оте́ц на́ших.
Припев: Преподо́бне о́тче на́ш Ге́рмане, моли́ Бо́га о на́с.
Из Росси́и изше́д благочести́выя и в Америку дости́г,/ соверши́л еси́ де́ло апо́стольства и преподо́бия,/ отту́ду же в ве́чное отше́д оте́чество, пое́ши Го́сподеви:/ благослове́н еси́, Бо́же оте́ц на́ших.
Припев: Преподо́бне о́тче на́ш Ге́рмане, моли́ Бо́га о на́с.
Посто́м и моли́твою вла́гу стра́стную пло́ти изсуши́в,/ дух возвы́сил еси́ в ме́ру во́зраста Христо́ва,/ во е́же всем естество́м пе́ти возмо́жеши:/ благослове́н еси́, Бо́же оте́ц на́ших.
Сла́ва Отцу́ и Сы́ну и Свято́му Ду́ху.
Опасно проходя́ путь доброде́тели и не уклоня́яся ни одесну́ю, ни ошу́юю,/ люде́й твои́х води́л еси́ безпоро́чно к Бо́гу,/ и сам дости́гл еси́ Ца́рство, иде́же пое́ши:/ благослове́н еси́, Бо́же оте́ц на́ших.
И ны́не и при́сно и во ве́ки веко́в. Ами́нь.
Богородичен: Христа́ Емману́ила Ма́ти Благослове́нная,/ предста́тельствы Твои́ми всели́ Дух Сы́на Твоего́ в сердца́ на́ша,/ я́ко да с на́ми Бо́га иму́ще, злых свободи́мся и пе́ти вы́ну возмо́жем:/ благослове́н еси́, Бо́же оте́ц на́ших.
Песнь 8
Ирмос: Из пла́мене преподо́бным ро́су источи́л еси́/ и пра́веднаго же́ртву водо́ю попали́л еси́:/ вся бо твори́ши, Христе́, то́кмо е́же хоте́ти./ Тя превозно́си́м во вся ве́ки.
Припев: Преподо́бне о́тче на́ш Ге́рмане, моли́ Бо́га о на́с.
Вол, за любо́вь твою́ возлюби́в тя/ и не еди́наго дне не стерпе́в сме́ртнаго лише́ния твоего́,/ сам уби́ся в печа́ли свое́й по тебе́,/ я́ко тварь си́це воспева́я Го́сподеви.
Припев: Преподо́бне о́тче на́ш Ге́рмане, моли́ Бо́га о на́с.
А́нгелы име́л еси́ смоли́твенники в та́йне убо́гия ке́ллии твоей,/ и́же и извести́ша тя о дни и ча́се преставле́ния твоего́/ и прия́ша тя последи́ в ли́ки святы́х воспева́ти во веки Го́сподеви.
Сла́ва Отцу́ и Сы́ну и Свято́му Ду́ху.
Люде́й твои́х возлюби́в па́че всего́ на земли́/ и вся бла́гая им соде́яв, Небе́сная пре́жде и земна́я,/ научи́л еси́ я до́брому благочести́ю,/ во е́же вку́пе с ни́ми зде и та́мо воспева́ти Го́сподеви.
И ны́не и при́сно и во ве́ки веко́в. Ами́нь.
Богородичен: Утро́бу твою́ освяти́ Роди́выйся от Тебе́, Богома́ти,/ и ши́ршую Тя Небе́с сотвори́ благоутро́бием ма́терним,/ и́мже всех нас покрыва́еши от вся́ческих бед, Благода́тная.
Песнь 9
Ирмос: Бо́га/ челове́ком невозмо́жно ви́дети,/ на него́же не сме́ют чи́ни а́нгельсти́и взира́ти;/ Тобо́ю бо, Всечи́стая, яви́ся челове́ком/ Сло́во воплоще́нно,/ его́же велича́юще,/ с Небе́сными во́и Тя ублажа́ем.
Припев: Преподо́бне о́тче на́ш Ге́рмане, моли́ Бо́га о на́с.
Призре́ на смире́ние твое́ Госпо́дь,/ его́же душа́ твоя́ велича́ше/ и о Не́мже дух твой ра́довашеся вся дни живота́ твоего́ на земли́,/ и вознесе́ тя в Ца́рствии Свое́м, я́ко еди́наго от избра́нных Свои́х.
Припев: Преподо́бне о́тче на́ш Ге́рмане, моли́ Бо́га о на́с.
О́бщаго Влады́ку зри́ши ны́не лице́м к лицу./ Не забыва́й у́бо в моли́твах твои́х всех, почита́ющих па́мять твою́,/ но сохраня́й от лю́тых бед и поги́бели ве́чныя.
Сла́ва Отцу́ и Сы́ну и Свято́му Ду́ху.
Ю́ность твоя́ благочести́ва, му́жество твое́ пра́ведно,/ ста́рость твоя́ свя́та и во ве́ки жи́знь блаже́нна./ моли́ у́бо спасти́ся нам.
И ны́не и при́сно и во ве́ки веко́в. Ами́нь.
Богородичен: Де́ву Тя вси ублажа́ем,/ прама́тернюю кля́тву разруши́вшую Рождество́м Твои́м/ и Ада́мово изгна́ние испра́вившую./ Люде́й у́бо Твои́х сохраня́й змии́ных искуше́ний всемогущим предста́тельством Твои́м/ и введи́ ны в блаже́нство ра́я.
Светилен
Свет Боже́ственный возсия́л еси́ алеу́том потемне́нным/ и претвори́л еси́ я из бе́лых волко́в Се́вера в овча́та кро́тка ста́да Христо́ва./ Не преста́й у́бо и ны́не моля́ся, Ге́рмане преподо́бне,/ о назда́нии в Аме́рице Правосла́вия.
Сла́ва Отцу́ и Сы́ну и Свято́му Ду́ху, и ны́не и при́сно и во ве́ки веко́в. Ами́нь.
Богородичен: Све́та невече́рняго нас прича́стники сотвори́ла еси́, Богоро́дице, Боже́ственным Рождество́м Твои́м,/ Бо́га бо роди́вши Челове́ка,/ Кресто́м и сме́ртию и Воскресе́нием его́ победи́тели нас яви́ла еси́ тьмы кроме́шныя/ и насле́дники Ца́рствия Небе́снаго.
Тропари, кондаки, молитвы и величания
Тропарь преподобному Герману Аляскинскому, глас 7
Звездо́ пресве́тлая Це́ркве Христо́вы,/ на се́вере просия́вшая,/ вся к Ца́рствию Небе́сному путеводя́щая,/ учи́телю и апо́столе и́стинныя ве́ры,/ предста́телю и засту́пниче гони́мых,/ украше́ние изя́щное Святы́я Це́ркве во Аме́рице,/ преподо́бне о́тче Ге́рмане Аля́скинский,/ моли́ся ко Го́споду Спа́су на́шему,// спасти́ся душа́м на́шим.
Перевод: Звезда преяркая Церкви Христовой, на севере просиявшая, всех к Царству Небесному путеводящая, учитель и апостол истинной веры, ходатай и защитник гонимых, украшение превосходное Святой Церкви в Америке, преподобный отче Герман Аляскинский, молись ко Господу Спасителю нашему о спасении душ наших.
Ин тропарь преподобному Герману Аляскинскому, поемый во Америце, глас 3
Преподо́бне о́тче наш Ге́рмане,/ пе́рвый свети́льниче, в земли́ на́шей просия́вый,/ прино́сим вси тебе́ похвалы́ сия́,/ ты же, я́ко име́я дерзнове́ние ко Го́споду,/ бу́ди засту́пник нам, и уте́шитель,/ и Це́ркви на́шея покрови́тель ди́вный,/ да вси со умиле́нием зове́м ти:// ра́дуйся, о́тче наш Ге́рмане, Аля́ски и всея́ Аме́рики пресла́вный чудотво́рче.
Перевод: Преподобный отче наш Герман, первый светильник в земле нашей просиявший, приносим все тебе похвалы эти, ты же, как имеющий дерзновение ко Господу, будь защитником нашим и утешителем, и Церкви нашей покровителем знаменитым, да все со смирением взываем к тебе: «Радуйся, отче наш Герман, Аляски и всей Америки удивительный чудотворец».
Ин тропарь преподобному Герману Аляскинскому, глас 1
Ло́зу Правосла́вия прине́сл еси́ в Аме́рику из Росси́и благочести́выя/ и, удобри́в ко́рень по́стническими труда́ми/ и напои́в оби́льне моли́твенными слеза́ми,/ плоды́ прине́сл еси́ - виногра́д возлю́бленный,/ Ге́рмане преблаже́нне о́тче наш./ Те́мже и Бог тя просла́ви, я́ко апо́стола преподо́бнаго,/ нетле́нием моще́й и благода́тию чуде́с,/ от них же почерпа́юще благодея́ния, восхваля́ем тя:/ сла́ва Да́вшему ти кре́пость,/ сла́ва Венча́вшему тя,// сла́ва Дарова́вшему тя Аме́рице свети́ло Правосла́вия.
Перевод: Лозу Православия ты принес в Америку из благочестивой России и, удобрив корень постническими трудами и обильно напоив молитвенными слезами, принес ты плоды - виноград возлюбленный, Герман преблаженный отче наш. Потому и Бог тебя прославил, как апостола преподобного, нетлением мощей и благодатью чудес, из них же черпая благодеяния, прославляем тебя: «Слава Давшему тебе силу, слава Венчавшему тебя, слава Даровавшему тебя Америке, светило Православия».
Кондак преподобному Герману Аляскинскому, глас 3
Свет ве́чный Христа́ Спа́са на́шего/ тя на путь ева́нгельский во Аме́рику наста́ви,/ возвести́ти весть о ми́ре ева́нгельскую./ Днесь Престо́лу Сла́вы предстоя́,/ моли́ся о стране́ твое́й и лю́дех ея́,/ о ми́ре всего́ ми́ра// и спасе́нии душ на́ших.
Перевод: Свет вечный Христа Спасителя нашего направил тебя на евангельский путь в Америку, проповедать евангельскую весть о мире. Сегодня, предстоя Престолу Славы, молись о стране твоей и людях ее, о мире всего мира и спасении душ наших.
Ин кондак преподобному Герману Аляскинскому, глас 8
Валаа́ма постри́женик, честны́й,/ возлю́бленник Бо́жия Ма́тере бы́вый,/ ревни́тель по́двигов дре́вних подви́жник но́вый,/ моли́тву, я́ко копие́ и щит, прие́мый,/ стра́шен де́моном и тьме язы́честей ста́вый,// Ге́рмане преподо́бне, моли́ Христа́ Бо́га спасти́ ду́ши на́ша.
Перевод: Валаама постриженник, почитаемый, ты был любим Божией Матерью, новый ревнитель подвигов древних подвижников, молитву, как копье и щит взявший, устрашавший демонов и тьму языческую, Герман преподобный, моли Христа Бога о спасении душ наших.
Ин кондак преподобному Герману Аляскинскому, глас 8
Взбра́нному Воево́де сво́инствовався,/ в брань вступи́л еси́ на ду́ха зло́бы в по́ле преподо́бия и апо́стольства./ И, пожа́в побе́ды обою́дныя,/ воздвиза́еши нас вопи́ти тебе́:// ра́дуйся, свя́те Ге́рмане, апо́столе преподо́бный.
Перевод: Победоносного Военачальника ты стал воином, вступил в битву против духа злобы на поле преподобия и апостольства. И одержав победу с обеих сторон, поднимаешь нас, чтобы взывать к тебе: «Радуйся, святой Герман, апостол преподобный».
Молитва преподобному Герману Аляскинскому
О, преди́вный уго́дниче Бо́жий, преподо́бне о́тче наш Ге́рмане, ты по́двигом до́брым подвиза́лся еси́ во стране́ сей, среди́ суро́выя приро́ды, яви́л еси́ себе́ в ма́лом ве́рно во служе́нии твое́м Бо́гу, по глаго́лу Его́: о ма́лем был еси́ ве́рен, над мно́гими поста́влю тя. И ны́не, егда́ испо́лнися сло́во сие́ Госпо́дне на тебе́, поста́ви тя Госпо́дь над все́ю Це́рковию Америка́нскою, я́ко Небе́снаго покрови́теля, все мы взыва́ем ти те́плою моли́твою: моли́ся за Це́рковь на́шу Святу́ю, да сохрани́т ю́ Госпо́дь в чистоте́ и Правосла́вии, да яви́т ю́ украше́ние страны́ на́шея, да огради́т ю́ от те́мных сил вра́жиих, да изжене́т супоста́ты и да да́рует всем чистоту́ ве́ры и благоче́стие. Всем же нам испроси́ ду́ха ми́ра и любве́, ду́ха кро́тости и смире́ния, горды́ни отгна́ние, от самопревозноше́ния огражде́ние, боля́щим по́мощь и исцеле́ние, скорбя́щим утеше́ние, а́лчущим пра́вды духо́вныя пи́щу Небе́сную. Да, улучи́вше жела́емая, обря́щем пра́ведное воздая́ние в день Стра́шнаго суда́ и со все́ми святы́ми воспое́м и просла́вим Живонача́льную Тро́ицу, Отца́ Непостижи́маго, И́стиннаго и Единоро́днаго Сы́на и Свята́го Уте́шителя Ду́ха, во ве́ки. Ами́нь.
Молитва 2-я преподобному Герману Аляскинскому
О, преподо́бне о́тче Ге́рмане, новоя́вленный уго́дниче, Аля́ски просвети́телю! Мо́лим тя: хода́тайствуй о нас, гре́шных рабе́х Бо́жиих (имена), пред Престо́лом Вседержи́теля Бо́га, да да́рует нам вся потре́бная животу́ и благоче́стию, душа́м и телесе́м на́шим здра́вие, во всех благи́х преспе́яние и Свою́ всеси́льную по́мощь во вся́ких искуше́ниях, беда́х же и напа́стех, воздвиза́емых на ны от врага́ спасе́ния на́шего. Наипа́че же испроси́, уго́дниче Христо́в, всем нам грехо́в отпуще́ние, христиа́нскую кончи́ну жития́ и насле́дие Ца́рствия Небе́снаго у Христа́ Бо́га на́шего, Ему́же честь и сла́ва, со Отце́м и Святы́м Ду́хом, ны́не и при́сно и во ве́ки веко́в. Ами́нь.
Как доехать к святому преподобному Герману Аляскинскому?
Прямых авиарейсов до Кадьяка из Москвы нет. Вариантов авиамаршрутов может быть несколько, однако самым доступным по цене будет перелет с пересадками в Лос-Анджелесе и Анкоридже. Всего путешествие (при условии, что рейсы не будут задерживаться/откладываться по тем или иным причинам) займет 38 часов. Вылет из Шереметьево, прилет в Kodiak Municipal Airport.
